لتعدد حالات الاختطاف وفى ظل الظروف الحاليه يرجى عمل الاتى:
ماتركبيش تاكسى لوحدك ابدا ولا الصبح ولا بالليل لاى ظرف .. ومتركبيش مع تاكسى ويكون فيه واحده راكبه معاه لانها فالغالب بتكون تبعه
2-الميكروباصات متركبهاش وتكون فاضيه او كلها رجاله لان حصل اختطاف من ميكروباصات وكانت ماشيه فى الخط لكن الركاب كانوا تبع السواق
3-ماتمشيش لوحدك فى الشوارع الجانبيه سواء الصبح او بالليل.. وطبعا الشوارع الخاليه من الماره ابعدى عنها تماماااااا
4-رجاء رجاء رجاء .. اتخلى شويه عن اللبس الضيق واى حاجه تظهر او تبرز حاجه من جسمك .. معلش استحملى شويه وتعالى على نفسك الفتره دى
5-البنات اللى بتروح دروس او كورسات بالليل .. ياريت لو ابتدائى او اعدادى او حتى ثانوى حد يوصلها ويروح معاها من اهل بيتها
6-حاجه مهمه جدااا بقى لازم تتعمل .. لازم كل واحده تكون حاطه معاها حاجه فى شنطتها حمايه ليها(صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فى الشنطه)
وتكونى مستعده فى أى وقت وفى أى لحظه وماتخافيش محدش هيفتشك ولا هيقولك افتحى شنطتك
7-الناس اللى بتسافر سواء رجاله او ستات .. ممكن تلاقو على الطريق حد مرمى على الارض أوعوا تنزلوا تشوفوا ماله لأن فجاه هتلاقو ناس طلعت من الجنب .. ياريت تخلى بالكو كويس اوى
8-اخيرا طبعا النصايح العاديه محدش يقولك شيلى دى او ساعدينى فى دى او تعالى امسكيلى حاجه الخ الخ الخ
الكلام ده مش عشان اخوفكم بيه او عشان ارعبكم .. لكن عشان تاخدوا بالكو اكتر وتحافظوا على روحكو
ربنا يحميكو يارب ويحفظكو من اى شر واى سوء
واللى عندها اى نصيحه تانيه ياريت تقولوها
ليست هناك تعليقات:
إرسال تعليق